TURKISTON JADID MAKTABLARINING MILLIY TA’LIM RIVOJIDAGI O‘RNI

Abstract

Annotatsiya. Mazkur maqolada XIX asr oxiri va XX asr boshlarida Turkistonda shakllangan jadid maktablarining milliy ta’lim tizimi rivojidagi tarixiy-pedagogik o‘rni tadqiq etiladi. Jadidchilik harakatining yuzaga kelish shart-sharoitlari, yangi usul maktablarining an’anaviy ta’lim muassasalaridan farqli jihatlari, o‘qitish metodlarining takomillashuvi hamda milliy darsliklar yaratilishining ilmiy-ma’rifiy ahamiyati tahlil qilinadi. Tadqiqotda tarixiy-qiyosiy, manbashunoslik va kontent-tahlil metodlaridan foydalanildi. Mahmudxo‘ja Behbudiy, Munavvar qori Abdurashidxonov, Abdulla Avloniy, Abduqodir Shakuriy va boshqa jadid ma’rifatparvarlarining pedagogik faoliyati milliy maktabchilik tarixidagi yangilanish jarayoni bilan bog‘liq holda yoritiladi. Tadqiqot natijalari jadid maktablari savodxonlikni rivojlantirish, dunyoviy fanlarni o‘qitish, milliy o‘quv adabiyotlarini yaratish va pedagogik tafakkurni yangilashda muhim tarixiy ahamiyat kasb etganini ko‘rsatadi.