O‘ZBEKISTONDA AYOLLAR HUQUQLARINI TA’MINLASHNING HUQUQIY ASOSLARI VA GENDER TENGLIKNI RIVOJLANTIRISH MASALALARI

Abstract

Annotatsiya. Mazkur maqolada O‘zbekiston Respublikasida ayollar huquqlarini ta’minlashning konstitutsiyaviy-huquqiy asoslari, gender tenglik tamoyillarining mazmuni va ularni amaliyotga tatbiq etish masalalari ilmiy jihatdan tahlil qilinadi. Tadqiqotda xotin-qizlarning siyosiy, ijtimoiy, iqtisodiy, mehnat va ta’lim sohalaridagi huquqlarini kafolatlashga qaratilgan milliy qonunchilik hamda xalqaro huquqiy standartlar o‘rganiladi. Ayollarni kamsitish, tazyiq va zo‘ravonlikdan himoya qilish, ularning iqtisodiy mustaqilligini ta’minlash hamda davlat va jamiyat boshqaruvidagi ishtirokini kengaytirishning huquqiy mexanizmlari yoritiladi. Tadqiqotda normativ-huquqiy tahlil, qiyosiy-huquqiy va tizimli yondashuv metodlaridan foydalanilgan. Natijada qonunchilikda mustahkamlangan teng huquqlilik kafolatlarini amaliy jihatdan ro‘yobga chiqarishda huquqiy savodxonlik, institutsional hamkorlik va samarali himoya mexanizmlarining muhim ahamiyatga ega ekanligi asoslanadi.

Kalit so‘zlar: ayollar huquqlari, gender tenglik, konstitutsiyaviy kafolatlar, xotin-qizlar, inson huquqlari, huquqiy himoya, kamsitish, oilaviy zo‘ravonlik, mehnat huquqi, ijtimoiy adolat.