TALABALARDA KIBERMADANIYATNI SHAKLLANTIRISHNING PEDAGOGIK ASOSLARI VA SAMARALI TA’LIM MEXANIZMLARI
Keywords:
kibermadaniyat, pedagogika, raqamli kompetensiya, talaba, media savodxonlik, raqamli fuqarolik, axborot xavfsizligi, akademik halollikAbstract
Maqolada zamonaviy oliy ta’lim sharoitida talabalarda kibermadaniyatni shakllantirishning pedagogik mazmuni, tamoyillari va samarali mexanizmlari tahlil qilinadi. Raqamli texnologiyalarning ta’lim jarayoniga jadal kirib kelishi natijasida talabaning axborotni izlash va qayta ishlash ko‘nikmalari bilan bir qatorda virtual muhitda mas’uliyatli xulq-atvor, axborot xavfsizligi, akademik halollik, media savodxonlik va raqamli kommunikatsiya madaniyatiga ega bo‘lishi zarurligi asoslanadi. Tadqiqotda kibermadaniyat raqamli savodxonlik, tanqidiy fikrlash, kommunikativ-etika, axborot xavfsizligi, akademik mas’uliyat va refleksiv faoliyatni birlashtiruvchi integral kompetensiya sifatida talqin qilinadi. Ta’lim jarayonida muammoli vaziyatlar, keys-stadi, loyiha metodi, media matnlarni tanqidiy tahlil qilish va refleksiv topshiriqlardan foydalanishning pedagogik imkoniyatlari yoritiladi. Talabalarda kibermadaniyatni rivojlantirish oliy ta’limda raqamli transformatsiyaning texnik emas, balki ijtimoiy-pedagogik tarkibiy qismi ekanligi xulosalanadi.
